嘉鏵足跡: 20160818_Indonesia_Lombok_Mount Rinjani林賈尼火山

2016年08月18日
Indonesia 印度尼西亞, Lombok 龍目島, Mount Rinjani 林賈尼火山, Day2

Day2 :- Mount Rinjani 山腳(1150m) => BaseCamp (~2700m)

GPS track:- >>Here<<

早上七點鐘起床，七點半食早餐，然後往登山登記處，到登山入口。早上八點半開始由1150米爬升，三點半到～2700米的BaseCamp，比原定時間早半小時。吃過晚飯後睡覺，凌晨一點起床攻頂。

早上醒來，第一件事就是到外感受一下溫度，也一睹Mount Rinjani的盧山真面目，睇落唔太高，但當有雲飄過來時，才發現雲只到半山@@。大伙兒把行山的裝備著上，都要著15分鐘架，也把水袋填滿。吃早餐時，有不少選擇，有飯有Omlette，只有我選擇了飯，始終能量高D吧。早餐一到，他們都後悔了，份量太少，我們就加煮多一個飯大家分。這時我還不知道，原來我地這個四人登山小組多左一個泰國人，我以為他是只是坐我們的車而已，原來是trekking package provider把他加入左我地組。他第一次行山，身穿牛仔褲，手拿單反，我已經心感不妙。拎左登山證之後 (其實跟本冇check過登山證，登山證又冇名冇日期，真係純粹想收你登山費，美其名清潔費？不過一陣就發現..垃圾不少呢..)，就到坐車到登山口出發。火山地勢早期平援，但暗斜多。火山下有很多農作物，有辣椒、香蕉、粟米，還看到蒲公英。沿途有多個shelter讓人休息。最興奮的是看到已凝固的熔岩流，真係第一次見，不過都係影張相走人。

D雲到半山咋..@@

回望這座山，正當想講好高時，發現D雲高過佢= =..我就吞番句說話了..

右圖，要過竹橋，小心咁過，唔算好結實的

熔岩流

小休

發現，原來這是嘉鏵山..@@

kawasan其實係馬來文，解region

小休

來到pos 2，竟然是大休，我心諗，行平路咁濟，竟然係要大休，唔係咁輕鬆呀嘛？若是，我好失望架喎= =.....跟住我發現原來每一個特定的站，挑夫都會開爐住飯/面比你食。第一餐是在pos 2，有熱菜湯送白飯，之後又試過有炒飯、意大利粉、炒印撈，又有炸香蕉及香蕉pancake、炸薯條、水果，都是由五個挑夫煮的。每次都一定有蝦餅、青瓜、蕃茄、和非常乾的雞肉。印尼是回教國家，不食豬肉。不過都好過我上次行神山，只係得一個蘋果、一個三文治同一枝水做午餐，跟本就係靠食energy bar上的= =。每次一到大站，就看到很多垃圾。仲有，挑夫整個旅程都不停問我們coffee or tea，他們習慣茶會加糖的。

來到這裡，泰國人已經體力不支，坐在亭內陰涼處休息，飯菜來到都冇乜胃口食。大概在pos 4的時候，我們四人已經拋離了他，領隊都很surprised我地行得咁快，他說unbelievable，一般亞洲人都走得好慢，你們卻很不錯。領隊因責任問題想要等他，但根據上一次經驗，我們不想因他拖延了登山時間，我們就先走。我們看到他在上山時跌倒了一次。我心都有點唔舒服，又明白領隊左右為難，但諗到我唔想比他拖累到我登山的機會，他的加入又沒有經過我們同意，這是trekking provider的安排，就你們自己處理番。

上山路很滑，浮沙碎石路，宜有行山杖、綁腿。綁腿是非常重要！！！不過挑夫都是不穿鞋或穿拖鞋，但走得比你快，仲要每一個挑夫都食煙。山上火山灰非常大，宜有口罩。鼻孔都變黑了，牙齒之間都感受到火山灰。中午時分很大霧。

睇下D火山灰幾誇張..@@

其實都幾重下..@@

三點半到BaseCamp，挑夫幫我們紮營，有地毯及睡袋，立時乜都唔諗，入去休息，上山上得好累呢。挑夫睡的帳篷比我們的簡單，而且通風，他們真的很耐寒呢。訓左陣之後，一打開個營，看到霧氣散開，非常美。過多陣，仲水平看到月光在雲層上，超級靚，但唔知點解咁細個。吃過晚飯後，就訓覺了，準備凌晨一點起身攻頂。始終訓得唔太好，又凍，不過因為累，都係訓得著的，十一點我就醒左。一出去外面，抬頭就是月光了，可以曬月光，又看到好多星星，天蠍座、夏季大三角，逼使我冒寒影相。